” VIII semana da ciencia en galego”

Esta semana no colexio celebramos a ” VIII semana da ciencia en galego” donde traballaremos o dereito a gozar da ciencia en galego, a través de figuras  tan importantes como Charles Darwin e o galego Domingo Fontán. Descobriremos   as Viaxes científicas de Darwin no Beagle, e a Domingo Fontán e a súa Carta Xeométrica de Galicia.

No recuncho de novas da biblioteca, temos una morea de recursos para traballar e facer descobertas sobre os autores homenaxeados este ano.

 

 

Non máis lumes

Hoxe, tristemente, o noso alumnado chegou á escola cos ollos cheíños de lume, fume e tristura… Difícil para nós explicarlle o que sentimos ao ver a natureza arder, as persoas morrer, a vida desaparecer, a nosa terra destrozada. Hoxe todos e todas tratamos de falar, explicar e buscar solucións a esta barbarie que asola aos nosos montes, aos nosos veciños e veciñas, aos animais, ás fragas, ós rios, a todo o que nos caracteriza como habitantes dunha terra que compartimos.

Por iso, e de maneira simbólica, hoxe ás doce do mediodía pedimos non máis lumes, solucións e choiva, moita choiva…

 

 

 

 

 

 

Entrevista a Antoine Saint Exupéry polos nen@s de 5º de Primaria en conmemoración do día da Paz e non violencia 2017

CELEBRACIÓN DO DÍA DA PAZ 2017 adicado ao Principiño de Saint de Exupéry

Formigas, misión Barcelona

Hai tempo, nesta escola, faciamos unha publicación chamada “O Berce de papel”. Nela os nenos e as nenas do cole contaban cousas dalgún libro. Agora os nenos de 5º de primaria fixeron un video contándonos cousas deste libro,”Formigas, misión Barcelona”.

Botádelle un ollo a ver se vos gusta, e lembrade. Tedes o libro na biblioteca do cole…….

 

GRAN ACTUACIÓN EN RANDUFE: O BIGOTE DE MIMÍ

O xoves toda a escola de Randufe asistirá ao espectáculo musical O bigote de Mimí. Se premedes no cartel, poderedes escoitar algunhas das cancións e así ir aprendéndoas  para quedar sen gorxa na actuación, cantando e bailando sen parar. Desexamos que vos guste:

bigote mimi

Por Luis Valdecillo

 

 

 

 

 

 

Rosa Roseira de Manuel María

@s cativ@s de infantil de 4 ofreceron esta preciosa poesía de Manuel María a toda a escola. Aprendérona toda enteira.  Son uns artistas!

« Previous Entries